Hönnun

Flísin einkennist af fíngerðri áferð þar sem textíll og steinn mætast. Yfirborðið hefur mjúkt og lífrænt yfirbragð sem gefur flísinni meiri dýpt en hefðbundin steinflís. Blandaðir tónar skapa fallegan breytileika og gera hana að fjölhæfum grunni fyrir bæði hlýlega og nútímalega innanhússhönnun.

60x60 cm formið gefur rýminu rólegt og samræmt yfirbragð og hentar sérstaklega vel þar sem óskað er eftir stórum, samfelldum flötum. Bohemian Blend er einnig fáanleg í 50x100 cm og 100x100 cm stærðum, auk mósaíkútfærslna, sem gefur möguleika á að blanda saman formum og skapa áhugaverðari áherslur innan sama rýmis.

Hlýir og náttúrulegir tónar Bohemian Blend fara einstaklega vel með ljósum við, beige- og kremtónum, náttúrusteini og öðrum jarðbundnum efnum. Hún getur einnig skapað fallegt jafnvægi með dökkum við, svörtum smáatriðum eða málmum og hentar því bæði í hlýleg og fáguð rými.

Bohemian Blend hentar á gólf og veggi innandyra og einnig á útigólf. Hún er því góður kostur fyrir baðherbergi, eldhús, stofur, svefnherbergi og önnur íbúðarrými, auk þess sem hægt er að skapa fallegt samhengi milli innandyra og útisvæða.

Viðhald

Postulínsflísar eru einstaklega slitsterkar, taka ekki í sig raka og eru einfaldar í daglegri umhirðu. Flísin þolir vel raka, bletti og mikla umferð og heldur fallegu útliti sínu án sérstakrar yfirborðsmeðhöndlunar.