Glæsileiki klassískrar ítalskrar byggingarlistar mætir nútímalegri hönnun í Imperial Alabastrino postulínsflísunum frá La Fabbrica AVA. Imperial-línan sækir innblástur í stórbrotinn marmara og travertín Rómar til forna og endurtúlkar náttúrusteininn með nútímalegri keramiktækni, þar sem litbrigði, æðar og fíngerð þrívídd yfirborðsins fá að njóta sín.

Hönnun

Flísin einkennist af ljósum gráum grunntóni þar sem dökk og mjög ljós litbrigði skiptast á og skapa lifandi en yfirvegað yfirborð. Fínlegar æðar og náttúruleg litadýpt gefa flísinni glæsilegt marmarayfirbragð sem hentar sérstaklega vel í fágaðar, nútímalegar innréttingar en fellur jafnframt vel að klassískri hönnun.

Kaldir gráir tónarnir passa einstaklega vel með ljósum og dökkum viði, hvítum og kalklituðum yfirborðum, náttúrusteini og málmum í svörtum, krómuðum eða burstuðum tónum. Alabastrino hentar vel á gólf og veggi í baðherbergjum, eldhúsum, stofum og atvinnurýmum og Imperial-línan er einnig ætluð til notkunar í útirýmum.

Viðhald

Postulínsflísar eru einstaklega slitsterkar, taka ekki í sig raka og eru einfaldar í daglegri umhirðu. Flísin þolir vel raka, bletti og mikla umferð og heldur fallegu útliti sínu án sérstakrar yfirborðsmeðhöndlunar.

Aðrir litir í sömu seríu

Imperial Navona - Imperial Tivoli - Imperial Trevi